26
lah maanak sungai mahilia katulang pungguang dipikia2 dalam hati dipatuik2 djo aka takiro pulo nan marusuah apojah nan dirusuahkannjo apolah nan dirisaukannjo kek tumbuah usua djo siasek kok datang sudi djo tanjo dibujuang si Umbuik mudo apolah katenggang hambo katonjo amai si Umbuik kok den katokan kasamuonjo kok den baritokan habih2 bakeh bujuang si Umbuik Mudo kok bangih injo baike suratan den kolah nan malang untuang den kolah nan buruak ikolah basuo pantun urang:
Bingkudu di danguang2
Duo djo dahan saiaronjo
Alun diandjua lah tataruang
Alamaik badan kabinaso
Ja Allah Ja Rasulullah baalah untuang den iko satampan ikolah anak sadjombang ikolah rupo rantjak lai patuik lai tumbuah tjatjek baadoan urang tak manenggang awak mangalah baitu bana garak. Allah sudah diden = jah sabanta injo bamanuang lah dua bania injo manangih Lah banjak kiro kironjo lah dipabulek pikiran badjalan amai si Umbuik dakok basarang hampiang hampiang dakok katibo tibolah injo tangah halaman lalu naiak injo sakali si Umbuik sadang bamanuang sadang ma lintuah2 djati sadang ma-ngarek2 kuky batanjo si Umbuik Mudo
O amai djoden diamai ba-a kato man didjawek ba-a rundiangan man dibao;
Tarok dibaruah manggani
Di kabuang2 dipatigo
Harok baraso kalai
Tjameh baraso katido
Tjubo katokan diamai kabakan banalah diamai
