22
Bakato si Umbuik Mudo o amai djo den diamai katokan bana djo diamai kabakan bana samonjo apo koh katonjo si Galang naknjo fahu dihati den apo koh bana nan dianggankannjo apo bana nan ditang guabkannjo mangkolah baitu bana,
O bujuang djo den dibujuang katonjo amai si Umbuik nan satahun duo tahun nangko alun injo kabadjundjuangan alun injo kabasuami alun baniaik nak balaki injo kamarando sadjo baitu nan katonjo kato si Puli Gafang Banjak © bujuang si Umbuik Mudo sungeuahpun baitu bana dangakan pulo dek hang:
Anak buajo guluang tanun
Masuak Kualo Indo Puro
Apokoh dajo untuang balun
Nantikan sadjo katikonjo
Koto Sabak maadok Tiku
Tiku maadok Koto Tangah
Sadang indak saba dahulu
Nantikan sadjo garak Allah
Tak djiran bingkudu lai
Alun pandan kabagagang
Tak diniaik itu lai
Alun tah badan katagamang
Nambek hati diparusuah nantjik hati diparisau usah bujuang tjameh lai,
Mandjawab si Umbuik Mudo bana pulo tumuah tapi saketek nan maraso dihati den pitua djuo diamai malangkah tak sadang salangkah bakato tak sadang Sapatah nan Sakali diduokan duo tjukuikkan ligo tjukuik tigo kato putuih baitu djuo nan biaso baitu djuo nan bapakai pailah amai sakali lai mintak bana kato nan putuih djan taraso2 djuo
Mandanga kato nan bak klan hilang aka amai si Umbuik lah sasak kiro2njo.
