This page has been validated.
17
Bakaio amai si Umbuik:
ilalang di Koto Pandjang
Dipunta dikabek arek
Dirantang rundiang kapandjang
Elok dikumpa naknjo singkek
Io disiko surek nahu
Kalam tasisik ateh kasau
lo disiko buruang mau
Hatt birahi nak mantjakau
Bakato amai si Galang Banjak:
Baringin diateh gunuang
Ureknjo bakelok kelok
Koknjo ingin kakak diburuang
Tjarilah gatah nan elok
Ureknjo bakelok kelok
Lalu kasikuran kuran
Kok dapek gatah nan elok
Unggehiah sudah tahuan
Mandjawab amai si Umbuik:
Lalu kasikuran kuran
Badjalan manampuah samak
Unggeblah sudah tahuan
Nanti den rantjuang dengan damak
Bakato amai si Galang:
Lalu manampuah samak
Dipantjuang kaki tindawan
