Lah mangadji si Umbuik Mudo ditjubokan lagu nan tadi lahditjubokan lagu nan tadi djangankan lagu nan kadapek djan kadjil nan katabatjo mato surek lai tak tampak :
Kalik kalik di Malako
Hinggok dipasa Pajokumbuah
Takilik iman nan tilako
Kapado Puti nan batudjuah
Lah galak Puli nan batudjuah lah rintang gareh manggareh lah asik bisiak babisiak kaljemoh barapi tapi galak lah badarai darai bakato puti Galang Banjak
Lah tabaliak tapi kain
Lah hilang pangiliannjo
Lah tabaliak hati Malin
Lah hilang pangadjiannjo
Gilo sipasin gilo
Gilo sitawang tawang
Gilo si Malin gilo
Digilo laplak sambajang
Baburu kapadang data
Dapeklah ruso balang kaki
Baguru kapalang adja
Bak bungo kambang tak djadi
Babaliak suruiklah dabulu tumbuah malu dek si Umbuik paluahlah maanak sungai mailialah katulang pungguang mukolah sirah² padam hangoklah gadang² gadjah.
Bakato si Umbuik Mudo bakato kapado gurunjo guru djoden diguru bari ampun banjak² hambo babaliak pulang dahulu tak guno hambo disiko.
