10
Lah naiak si Umbuik Mudo satu naiak injo manjambah manjambah kepado gurunjo:
Dari dusun ka Situdjuah
Sirauik parambah paku
Paku digulai kapabuko
Disusun djari nan sapuluah
Ditakuakan kapalo nan satu
Diundjuakan lutuik nan duo
Bakato guru si Umbuik sabanjak ikolah urang tak sapanuah rumah nan djauah urang lah datang nan hampia uranglah tibo awak hang sadjo nan tak tampak awak hang sadjo nan tak kamari apo djuo hang tjari apo nan tak kamari apo nan ang tuntuik tjubo katokanlah kahambo
Mandjawab si Umbuik Mudo kok itu guru tanjo kan ukan toh hambo kamano mano hambo pai badagang hambo lah pai mangadji pai mantjari lagu Masia sabab itu lambek hambo datang karano lambek den kamari,
Bakato guru si Umbuik o bujuang si Umbuik Mu do taro awak hang balun datang sabalun awak hang kamari banjakiah surek nan tabatjo banjaklah kitab nan takadji banjaklah lagu den dangakan tjubokan puiclsh lagu hang nan dituntuik kanagari urang.
Mandanga kato nan bak kian dipanggangnjo ku majan putiah asok mandulang ateh langik harum satahun padjalanan mangadji si Umbuik Mudo di baokan lagu Masia lah duo banta injo malagu jankan urang kababuni lantai mandatiak lai tidak moalim nan sabanjak itu tuanku nan baratuih ratuih habih tangango samonjo dek elok iagu si Umbuik.
Lah tigo banta injo malagu turuniah Puti nan batudjuah Puti batudjuah badunsanak kamanakan dek gurunjo rantjak man bukan alang2 elok nan bukan ulah2 maha Radjo kadjedonjo sukarlah Sutan kaban
