Adjajéb sōbeuhan alah, njòë lōn peugah haba lawét
Djameun ka tréb lōn leungò gah, sidròë khalipah lōn meung peugah
Ja ilahi wa ja rabi, beuءéء neubri lōn seuleuءah
Oelōn manjòh that beureuhi, han lōn toekri mita ilah
Beuneubri rōh haj Toehankoe, beutrōïh nabsoe lōn ya Alah
Keureuna nabsoe oereuëng le that, oelōn soerat keuloekeusah
Beureukat mòءdjizat sigala nabi, doeءa rabi rasoelōlah
Beureukat kramat doemna wali, beureukat oemi lōn ngòn ajah
Beureukat euntèë nabi Adam, ʻalaihi salam nabi Alah
Beureukat Kaءbah ngòn mòn Damdam, oelōnteu pham neubri moedah
Beureukat Koetōb ngòn Rabani, doemna wali nanggròë Makah
Mòhi_édin Asan Basari, Ahmat Koetjatji sigaséh Alah
Aboe Baka Oema Oeseuman, sahbat djoendjōngan rasoeloe’llah
Beureukat Ali peuët sahbat njan, djoedō Toean Siti Patimah
Asan Oesén ébeunoe Ali, tjoetjò nabi njang khalipah
Beureukat meudeuhab Imeum Tjapiʻi, beureukat Ghazali èëlia Alah
Taءlém hōreumat beureukat goerèë, neubri èleumèë keu lōn idjazah
Taءlém hōreumat waréh sampèë, neutoelōng mèë lōn ya Alah
Taءlém hōreumat beureukat iboe, neubri ladjoe lōn pham moedah
Taءlém hōreumat ajah ntoe, haj Toehankoe Pòlōn Alah
Beu Toehan bri trōn éleuham, oelōnteu pham haba indah
Lōn meung pakhōء antōء kalam, oelōn reusam neubri moedah
Bahlé doemnan wahé taléb, adjajéb sōbeuhan alah
Sidròë radja lōn riwajat, ngò haj sahbat oelōn peugah
Kradjeuën loeaïh amat sangat, timoe barat meutjeuhoerah
Hamsōjkasa geurasi nan, njan soeloetan njang that meugah
Sireutōïh radja taءlōء keunan, baء toean njan geudjaء seumah
Nama nanggròë Goelita Sagōb, njan teuseubōt gampōng soedah
Baء binèh mata oeròë 1ōb, laءōt seupōt njang lōlōmah
Laءén nibaء njan tan 1é nanggròë, ʻòhnan sampòë lōn leungò gah
Njankeu radja njang seureulòë, nibaء sagòë gampōng soedah
Hamsōjkasa peukòng nanggròë, doea poetròë neumeuzaudjah
Até mangat hana bagòë, ngòn djoedō dròë sinan dahtjah
22* Taءéء oe glé pèt bòh roeséb, peuë tapeugèt keu seunitjah 29,2 in D: ————, laءōt seupōt njan daءirah
Hertranscriptie in moderne spelling
Ajaéb subhanallah, nyoe lôn peugah haba lawét
Jameun ka trép lôn leungo gah, sidroe khalipah lôn meung peugah
Ya ilahi wa ya rabbi, beu ék neubri lôn seuleu'ah
Ulôn manyoh that beureuhi, han lôn tukri mita ilah
Beu neubri rôh hai Tuhanku, beu trôih nabsu lôn ya Allah
Keureuna nabsu ureueng le that, ulôn surat keulukeusah
Beureukat mokjizat sigala nabi, du'a rabbi rasulullah
Beureukat kramat dum na wali, beureukat ummi lôn ngön ayah
Beureukat euntèe nabi Adam, 'alaihi salam nabi Allah
Beureukat Ka'bah ngön mön Zamzam, ulônteu pham neubri mudah
Beureukat Kutôb ngön Rabani, dum na wali nanggroë Makah
Muhidin Asan Basari, Ahmat Qusyasyi sigaséh Allah
Abu Baka Uma Useuman, sahbat junjôngan rasulullah
Beureukat Ali peuet sahbat nyan, judô Tuan Siti Patimah
Asan Usén ébeunu Ali, cuco nabi nyang khalipah
Beureukat meudeuhab Imeum Syafi'i, beureukat Ghazali èëlia Allah
Taklém hôreumat beureukat gurèe, neubri èleumèe keu lôn ijazah
Taklém hôreumat waréh sampèe, neutulông mèe lôn ya Allah
Taklém hôreumat beureukat ibu, neubri laju lôn pham mudah
Taklém hôreumat ayah ntu, hai Tuhanku Polôn Allah
Beu Tuhan bri trôn éleuham, ulônteu pham haba indah
Lôn meung pakhôk antôk kalam, ulôn reusam neubri mudah
Bah lé dum nan wahé taléb, ajayéb sôbeuhan Allah
Sidroe raja lôn riwayat, ngö hai sahbat ulôn peugah
Krajeuen luaih amat sangat, timu barat meuceuhurah
Hamsôikasa geurasi nan, nyan sulutan nyang that meugah
Sireutôïh raja taklôk keunan, bak tuan nyan geujak seumah
Nama nanggroe Gulita Sagôb, nyan teuseubôt gampông sudah
Bak binèh mata uroe lôp, laôt seupôt nyang lôlômah
Laén nibak nyan tan lé nanggroe, 'oh nan sampoe lôn leungö gah
Nyankeu raja nyang seureuloe, nibak sagoe gampông sudah
Hamsôikasa peuköng nanggroe, dua putroe neumeuzaujah
Até mangat hana bagoe, ngön judô droe sinan dahcah
