„Kadjahatan jang katiga, jaitoe omongan djoesta jang memboesoeki orang, sambil berkerodong dengan sinar kabenaran, soepaja bisa sesatken di dalam perkara besar pikirannja orang-orang, jang ada poenja koewasa, di dalam soewatoe hal, aken terbitken kaslamatan atawa katjilakaännja orang sekalian. „Kadjahatan jang kaämpat, jaitoe pembalesan djaliatjang dilakoeken dengan kedjam, pada sasoedahnja rasa bentji jang timboelken niatan aken membalas djabat, dioempatken lama-lama di dalam persobatan palsoe. „Kadjabatan jang kalima, jaitoe lakoenja orang jang membèlain atawa mengoetoekin soewatoe hal jang itoe-itoe djoega, dengan menoeroet pada maoenja perkara sendiri, hingga djikaloe boleh mendapat kasenangan dengan lantaran bèlaïn hal itoe, ija membela pada hal itoe, dan kaloe boleh dapatken kasenangan dengan lantaran koetoekin hal itoe, ija poen mengoetoek pada hal itoe. „SIAUW TJBNG BAUW telah ada berboewat samoewa ka djabatan itoe; lain dari bagitoe, hal berboewat djahat soedah mendjadi kabiasaännja; ija tida maoe perbaiki perdjalanannja, dan salamanja poen ija ada bernapsoe aken mengadoek antero karadjaän. Sekarang biarlah angkaoe tjoba pikir sendiri, sambil memandang pada segala perkara itoe, apa akoe boleh ampoeni pendjahat itoe, atawa tida." Tiada lama komoedian dari pada masa itoe, baginda radja anoegrahken kapada KHONGTJOE pangkat mantri dan ang gota dari masjawarat ponggawa-ponggawa agoeng, kerna baginda ada harap, jang dengan lantaran KHONGTJOE teritoeng pada anggota-anggota pemerintah agoeng, KHONGTJOE poenja pengaroe jang mendatangken berkat pada karadjaän, nanti djadi bertambah besar. Baginda poen ada mengakoe telah melihat njata, bahoewa sadari KHONGTJOE melakoeken
