djadi Khongtjoe poenja maksoed jang teroetama di dalam hal doedoek membatja dan berpikir; pada saban hari ija goenaken sabagian dari temponja aken membatja kitab itoe, sedang sabagian dari temponja di waktoe malam ija pergoenaken aken pikiri artinja ija poenja batjaän tadi. Maka ija berkata djoega pada moerid-moeridnja: „Kaloe akoe masih ingin tinggal hidoep, itoelah dari sebab akoe ingin dapat selesehken, apa jang akoe elah moelai dengan la-keng.” Di dalam kerdjanja jang terseboet itoe, Khongtjoe artiken boenjinja Koa atawa peratoeran jang terkarang oleh keizer HOK HI, dan lagi boenjinja katerangan-katerangan jang dibriken oleh doewa keizer dari kaoem Tjioe: BOEN ONG dan poetranja jang berama TJIOE KONG. Sekalian karanganja Khongtjoe diseboet Iakeng.
Kaloe daoeloe hari Khongtjoe maoe trima itoe djabatan ketjil, aken bri kanjataän jang ija tiada berhati tinggi, dibelakang kali Khongtjoe ingin lepasken djabatan itoe, olekerna halnja pemerintahan ada tinggal tetap sadja sabagimana adanja di tempo doeloe, dan sigralah djoega ija dapat antaran aken lepasken djabatannja itoe. Baginda radja mangkat ka rachmatoellah (509 tahon pada sabelon ada Christus) dan digantiïn oleh TENG KONG di atas kadoedoekannja. Di masa itoe adalah satoe mantri bernama KOEI SI soedah bisa dapatken kakoewasaän besar atas baginda itoe, hinga baginda tiada dapat berboewat apa-apa di dalam hal negri dan segala perkara ada di dalam tangannja KOEI SI itoe sendiri. Segala pembesar jang djadi halangan di dalam perniatannja KOEI SI, samoewa dilaloeken oleh KOEI SI itoe dari dalam karaton; komoedian KOEI S I memerintah dengan menoeroet sasoeka Hatinja sendiri jang tiada adil. Aken tetapi di belakang kali doewa orang jang berhati keras dan soeka sama kabesaran, bisa dapatken koewasa besar sekali
