14
na dai minaparopo sa saiyang mga kaisipan.
“Schwarts an boot mo gayod na sabihon, señora,” an simbag ni Fray Sibyla na dai saiya hominiling.
“Inda, sabi ni Fray Damaso Savalls;! inoolit ko lamang ”
“Savalls okun Chebas, ano kaiyan? Sa saro lamang na titik dai maliliwat an sarong tawo!” an may kabaldian na simbag kan franciscano.
“Asin kan siglo catorce bakong kan siete,” an dugang kan dominico sa mapagsagweng tingog na baga sa pag- taong makolog sa kaabhawan kan saro.
“Mabawasan man o madugangan nin sarong siglo, dai man ito magiging dominico! Tawong ini, dai ka madagit!” nakahoyom na sominabi si Padre Sibyla. “Orog karahay na saiyang nainvento, sa bagay na ini, dai na pagpapagalan kan saiyang mga tugang.
“Asin sabi mo, Padre Sibyla, kan siglo catorce?” an may dakulang atiparong hapot ni Doña Victorina; “énot o huri ki Cristo?”
Sa kamungayahan kan pinaghapot, duwa katawo lominaog sa bidang.
II
SI CRISOSTOMO IBARRABakong mga magagayon asin mga marayrahay na panggubingan na mga binibini na makaapod kan pangataman kan kagabsan, sagkod kan ki Fray Sibyla; bakong an Saiyang Kahalangkawan asin an saiyang mga kagawad tanganing makamangno nin pagkatawo su teniente, lumakad nin nagkapira pasiring sa enotan, asin garong matolan si Fray Damaso; su hinuwadan lamang kan retratong de frac, na may kabit na sarong bagong tawo na maitom na gayo su panggubingan.
“Marhay na banggi, mga ginoo! marhay na banggi, Padre!” an énot na sinabi ni Capitan Tiago kasabay an paghadok sa kamot kan mga padi na nagpakalingaw na magpakatao nin waras na biyaya. Hinalé kan dominico su saiyang salming sa mata sa paghiling sa bagong datong na hagbayon, asin nanglulungsi si Fray Damaso asin borolakog su mga mata.
“May dangog ako na ipamidbid saindo si Don Crisos- tomo Ibarra, aki kaitong dai nang sakong kaugay-nin-
