Page:Hare-sa-sako-pagdoot-noli-me-tangere.pdf/13

From Wikisource
Jump to navigation Jump to search
This page has been proofread.


3

Habo ko na kutang isalaysay saimo an mga kamurugtakan kan sinabi nang harong tanganing dai na ako magpagal, kundi kaipuhan na gayo, tara, kitang mga nabubuhay, kun gagayodbn, nakakaarog kita sa pawikan, namimidbid asin hinahalagahan kita sunod sa satong mga arikorong, asin ta sa sokol na ini namimidbid man an mga tawo sa Filipinas.

Kun sumakat kita, iyong satong maaabtan an sarong mahiwas na bidang, na inadpod duman na caida, inda sana kun ngata, ta sa bangging iniho ginagamit na comedor asin togtogan kan mga-paratogtog. Sa tahaw, sarong halabang latok (6), na magayon an pakasamno, na baga pinagkikiyatan an tikakaon na may kaibang mga mahahAmis na mga kapangakoan, asin pahare sa masosopgon na binibini, sa laog nin halawig na duwang horas, na an mga tataramon asin mga orolay-olay garong igwa nin kapalaenan na bulanos. Katimang sa mga kinabanon na ining paghanda iyo an mga cuadro na nabibitay sa lanob, mga cuadro na mapadapit sa katinubdan, siring baga kan Purgatorio, kan Infierno, kan Paghokom sa Bilog na Kinaban, kan Pagkagadan nin Banal, kan Pagkagadan nin Parakasala, asin sa irarom sa laog nin sarong magayon na cuadro na siring kan sa Renacimiento na linungat ni Arevalo, namumugtak an sarong halakbang na yamit, saen nakikita an duwang magtrang na babaye . . . An napapalaman iyo ini. Nuestra Sehiora de la Paz y Buenviaje, na iginagalang sa banwaan nin Antipolo, na sa balatkayong makilimos dinadalaw sa saiyang sakit an banal asin bantog na “Capitana Ines.” An pagkamugtak minsan ngani dai minabuyagyag nin daktilang kamuyahan, dai man, minapahiling nin arte, igwa man nin dakilang pagkatotoo, su naghehelang garo nang nagrorognak na bangkay huli sa mga kinikiyaw nin mga bughaw na mga purotakputak sa saiyang lawog, an mga vaso asin iba pang mga bagay-bagay, an mga kaibahan na iyan nin sarong halawig na paghelang, ilinaladawan na lubos mala ngani ta nahihiling sagkod an sa laog kan mga ito. Sa paghilinghiling kan mga cuadrong idto na nakakapatagok sa bagang, sakal6 may nagaakala na nababatid na gayo kan tampalasan na kagharong an kaugalean nin kadaklan na mga matikaw sa latok, asin tanganing matahobtahoban nin kadikit na bagay na iniho pinabitayan niya sa palibot nin mga magaga-