Sa Barili, anaay usa ka magsusulat nga, sama sa usa ka irmitanyo nga nagtago ug nagpahilayo sa kalibutan kay buut hingpiton niya ang iyang paghalad sa iyang bathala, sukad sa unahan pa nag-utas ug kablit, sa taliwala sa iyang pag-inusara, sakalagnong kitara sa iyang mga balak ug naglaylay Sa mga salumang malumo sa iyang mga damgo. Kini mao si Pantaleón V. Kárdenas, batan-ong magsusulat, magbabalak, tagsulat sa mga basahon, magpapatik ug usahay usab lider sa politika. Si Kárdėnas dili sama sa ubang magsusulat nato nangguho sama sa uhong: siya magsusulat sukad pa kaniadto, sa panahon nga dinhi sa Sugbu maihap lamang sa tudlo ang nagpas-an sa kurus sa pagkamagsusulat sa mantalaan. Ang katapusang basahon. nga iyang gipatik mao ang ginganlag ¡Halayo Kanimo! — usa ka pongpong sa mga pinadalagan — nga angay basahon sa tanang mahigugmaon sa pinulongang binisaya — (Sa "Bag-ong Kusog", sa iyang isip 33 mahanungud sa 17 sa Diciembre, 1926).
————
