Mga hisgut ni Rama, Briones, Villamor, Paras,
Osorio, Abad ugb. mahitungud sa mga
basahon sa Tagsulat
 |
 |
|
Sa Akong Payag... Mao kini ang ngalan sa bag- ong basahon sa mga sugilanon nga among nadawat. Kinsay tagsulat? Dili lain kong dili si G. Pantaleón V. Kárdenas usa, ka magbabalak nga barilinhon, usa ka kalag nga igsoon ni Musset, sanglit tinagik sa mga damgo, sa mga pagsakit sa usa ka gugmang halaum ug dili matukib...
Kami nga nakaila kang Kárdenas, igo lang mo- ingon nga kining iyang basahon mao ang purongpu- rong sa usa ka kahagong bulawanon, ang balak sa usa ka kalag nga alantuson ug mabination, pong- pong matahum sa mga balak sa kasingkasing sa usa ka mapaubsanong magbabalak nga naghalad sa atong pinulongan.
Ang Bag-ong Kusog moingon kang Kárdenas nga padayon sa dalan nga iya nang gilaktan.
Ang atong Katitikan nagkinahanglan mga dagang ug mga kalag nga, sama sa kang Kárdenas, dili ma- lubay sa mga unos sa mga kakulian ning kinabuhi ug, hinonoa, hupong gihapon sa kadasig, nianang balaanong kadasig nga mao ang magatuboy sa ka- tawhan ngadto sa kahitas-an sa iyang kauswagan ug himaya (Sa Bag-ong Kusog ni G. Vicente Rama,
