46 Ja de si buokak mannamen læk, dak aǥalaš gifsai; mutto vanhurskasak aǥalaš ællemi.
26. Kapittal.
1 Ja šaddai, go Jesus daid sanides loaftam læi, de mattajegjidassis son celki:
2 Di diettebættet guoft bæive gæčest de bæssačak læk, ja olbmu bardne šadda bettujuvvut russinavllijubmai.
3 De bajemuš papak ja čaloappavaǯak ja olbmui vuorrasak čoakkai botte bajemuš pap viessoi, gæn namma Kaiphas læi.
4 Ja arvvalæmen si legje Jesus gavvelvuođa čađa gidda valddet ja goddet.
5 Mutto si celkke: allop bassen, amas cuoǯǯelæbme olbmui gasski šaddat.
6 Mutto go Jesus Bethaniast læi, Simon spittaldavdalaš viesost,
7 de nisson su lusa bođi, gæst alabaster litte læi hui divras vuoidasin, ja Jesus oaivvai læikoi, go bævdest čakkamen læi.
8 Mutto go su mattajægjek dam oidne, de si addogotte, ja celkke: man varas daggar hævvo?
9 Galle dat vuoiddas divras haddai lifči læt vuvddujuvvut, ja vaivašidi addujuvvut.
10 Mutto go Jesus dam fuobmaši, de sigjidi celki: manne vuorjabættet di dam nisson? buorre daǥo muo vuosstai son daǥai.
11 Dastgo vaivašak alelessi din lut læk; mutto mon im.
12 Dastgo atte dam vuoidas son muo rubmaš