15. Kapittal.
1 Ja nubbe ibmaš almest oidnim, stuores ja ovdulaš: čiečča engelid, gæi gieđain čiečča maŋemuš givsek legje, dastgo daiguim ollašuvvu Ibmel moarre.
2 Ja dego glasave dolain sækka oidnim; ja sin, guđek vuoito vuoittam legje spiri bagjel, ja su gova, ja su mærka bagjel, ja su nama loǥo bagjel, glasave gaddest čuoǯǯomen, ja Ibmel harpaid doallamen.
3 Ja Moses, dam Ibmel balvvalægje, lavllag si lavllu, ja labba lavllag, cælkededin: stuores ja ovdulaš du daǥok læk, hærra, Ibmel, don buokvæǥalaš! vanhurskes ja duot du gæinok læk, don basse olbmui gonagas!
4 Gi dust i bala hærra, ja du nabmad i gudniette? dastgo don oft læk basse; dastgo buok olbmuk boattemen ja du čalmi audast rokkadallamen læk, go du duomok almostuvvum læk.
5 Ja dastmaŋŋel oidnim, ja gæč, duođaštusa tabernakal tempal alme sist ravastuvui,
6 ja čiečča engelak, gæi gieđain dak čiečča givsek legje, tempal sist botte, butes ja čuvggelis lidnebiftas sist garvotuvvum, ja radde vuold si legje čadnujuvvum golleboakkaniguim.
7 Ja oft dain njællja spirin addi daid čiečča engelidi čiečča gollelittid, Ibmel morin devddujuvvum, su, gutte buok aǥalašvutti ælla.
8 Ja tempal suovain devddujuvui Ibmel hærvasvuođast ja su famost; ja i læm tempal sisa mannamest gæsagen, auddal go dai čiečča engeli čiečča givsek nokke.
