16 Ja dak njællja nubbe lokkai vuorrasak, guđek Ibmel audast thruonoidæsek ald čokkame legje, muođoidæsek ala luoitadegje, ja Ibmel gudniette cælkededin:
17 Mi gittep du, hærra! Ibmel dat buokvæǥalaš, son, gutte læ, ja gutte læi, ja gutte boatta, go valddam don læk du stuorra fabmod ja rađđemen don læk.
18 Ja bakkenak suttoi læk mannam, ja du moarre joavddam læ, ja jabmi aigge, go si dubmijuvvumen læk, ja go balvvalegjidassad prophetaidi balka don addak, ja basse olbmuidi, ja sigjidi, guđek du namast ballek, ucakaǯaidi ja stuorraidi, ja sin don hævatak, guđek ædnam hævatek.
19 Ja albmai ravastuvui Ibmel tempal, ja su tempalest oidnujuvui su litto arkka; ja aldagas bođi, ja suobmanak ja dierbmak, ja ædnam doargastusak ja stuorra čuormasak.
12. Kapittal.
1 Ja stuorra ibmaš oidnujuvui almest: nisson, gæn bivtes bæivaš læi, ja manno su julgi vuold, ja su oaivest kruonno guoft nubbe lokkai nastin;
2 ja mana vuosstai son læi, ja mana hæđestes čuorvoi, ja garra rieǥadattam-bafčasak sust legje.
3 Ja nubbe mærkka oidnujuvui almest, ja gæč, stuorra issuras gærmaš ruofsad nuftgo dolla læi, mast čiečča oaivek ja loǥe čoarvek legje, ja oivines čiečča kruonok.
4 Ja su sæibbe alme nasti goalmad oase valdi, ja ædnami balkesti. Ja issuras gærmaš nisson
