mašuvvum legje, ja dam duođaštusa ditti, maid si adne.
10 Ja alla jenain si čurvvu, ja celkke: hærra, don dat basse ja duođalaš! gukkago don agjanak, auddal go dubmit ja mafsat aigok min varaid sin ala, guđek ædnam ald assek?
11 Ja gukkis vilgis biftasak sigjidi addujuvvujegje, ješguttegi, ja sigjidi goččujuvui ain oanekas aige vuoŋadet, dassači go sin balvvalusaguimi ja sin veljai lokko dievai, guđek dastmaŋŋel goddujuvvumen læk, nuftgo sigis.
12 Ja oidnim, atte guđad sigil dat lækasti, ja gæč, stuorra ædnamlikkatus šaddai, ja bæivaš šaddai čappaden nuftgo šuvkkasæk, ja manno šaddai nuftgo varak.
13 Ja alme nastek ædnami vuolas gačče, nuftgo fikkonmuorra, go garra biegast dat likkatuvvu, fikkonides ædnami luoitta, mak laddas æi læk.
14 Ja albme erit gaidai, nuftgo giettačal, mi čoakkai gissujuvvu, ja juokke varre ja juokke suolo sajinæsek sirddujuvvujegje.
15 Ja ædnam gonagasak, ja stuorra hærrak, ja oaivveolbmak duhati bagjel, ja riggak, ja valdalaǯak, ja juokke balvvalægje, ja juokke ised manne roggidi ja vari raigidi ječaidæsek čiekkat,
16 ja varidi ja bavtidi celkke: boattet min bagjel, ja čiekkat min su čalmi audast erit, gutte thruono ald čokka, ja labba moare audast erit!
17 Dastgo su moare stuorra bæivve boattam læ; ja gi matta bissot?
