Page:Hærramek ja bæsstamek Jesus Kristus ođđa Testament.pdf/761

From Wikisource
Jump to navigation Jump to search
This page has been proofread.
753
St. Johannes 3 girje.

maid on dakka, go bahha saniguim son min sælg­gebæld sardno; ja i dasa duttavaš, i vela veljaid son vuosstaivalde, ja sist, guđek aigguk, son gieldda, ja særvvegoddest erit sin hilggo.

11 Don æcalaš! ale čuovo, mi bahha læ, mutto mi buorre læ. Gutte burid dakka, Ibmel olmuš læ; mutto gutte bahaid dakka, Ibmel i læk oaidnam.

12 Demetriusest buorre nabma buokain læ ja duotvuođast aldes; mi maida duođaštæp, ja di diettebættet, min duođaštussamek duot læ.

13 Ollo galle must læi čallamuššan, mutto blækain ja pinnain dunji im aigo čallet.

14 Doaivom du forg oaidnet, ja de njalma&shp;laǯǯat moi oǯǯu sardnot nubbe nubbin.

15 Raffhe dunji. Usstebak diervuođaid dunji celkkek. Cælke diervuođaid usstebidi, ješguttegi!


St. Judas oftasaš girje.

Judas, Jesus Kristus balvvalægje, mutto Jakob vellja, goččujuvvumidi, guđek bassendakkujuvvum læk Ibmel ačest ja Jesusest Kristusest varjaluvvum:

2 Vaimolađesvuotta ja raffhe ja rakisvuotta ædnanifči digjidi!

3 Di æcalaǯak! anededin buok viššalvuođa dam oftasaš besstujume birra digjidi čallet, dar­bašlaǯǯan lokkim digjidi ravvagid čallet, dam osko audast barggat doarrot, mi ofti addujuvvum læ daid basse olbmuidi.