13 De dal di, guđek cælkkebættet: odna daihe itten mi dom dam gavpugi vuolggep, jaǥe mi dobbe orrot, ja gavpašet ja vuoittet aiggop;
14 di, guđek æppet dieđe, mi itten dapatuvvumen læ; dastgo mi læ din ællem? alma lievl læ, mi oanekassi itta; mutto dastmaŋŋel javkka!
15 Dam sagjai go cælkket di galggabættet: jos hærra datto, ja jos mi ællep, de dom dam mi dakkat aiggop.
16 Mutto dal goargadvuođastædek di ramadallabættet; buok daggar rabme bahha læ.
17 De damditti, gutte burid dietta dakkat, ja i daǥa, sunji dat suddo læ.
5. Kapittal.
1 Di riggak! riebmat dal daid varnotesvuođaid čierrot ja luoibmat, mak din bagjel boattemen læk!
2 Din riggesvuottadek miesskam læ, ja din biftasak njinjain borrum læk;
3 din gollek ja silbak gibmom læk, ja dai gibmo duođaštussan læ din vuosstai, ja borramen læ din oaǯǯadek nuftgo dolla; daverid di čoaggam læppet dain maŋemuš beivin.
4 Gæč! barggeolbmui balkka, guđek ædnamidadek lagjijegje, mi dist dollujuvvum læ, čuorvvo, ja lagjijegji čuorvvom hærra Sebaoth belji ouddi boattam læ.
5 Aive havskudaǥai sist di ædnam ald elidek, ja oaǯǯadek himoid di daǥaidek; din vaimoidædek di guosoteidek nuftgo njuovvam bæive.
