Page:Hærramek ja bæsstamek Jesus Kristus ođđa Testament.pdf/669

From Wikisource
Jump to navigation Jump to search
This page has been proofread.
6. Kap.
661
Timotheussi.

naggatallamak, bilkedæbme, bahha jurddagak,

5 ja dai olbmui arvotes mænok, guđek bæist­šuvvum læk mielasek sist, duotvuođataǥa, guđek ibmelballolašvuođa vuoito gaskoabmen gaddek. Ane ječčad daggaračai lut erit!

6 Læ galle ibmelballolašvuotta duttavašvuođain stuorra vuoitto;

7 Dastgo æp maidegen mi læk mailbmai mield­damen buftam, diettalas dalle læ, atte æpge mai­degen mi dast erit mate buftet;

8 mutto go biebmo mist læ ja biftasak, de dasa mi galggap duttat.

9 Mutto guđek riggostuvvamen læk, gæčča­lusaidi šaddek, ja gielaidi, ja ædnag jallag ja vahaglaš anestumidi, mak olbmui hævvanæbmai ja gađotussi vuojotek,

10 dastgo ruthanesvuotta buok bahha mænoi ruotas læ; damditti, go soames olbmui viggam dam guvllui mannagođi, de oskost erit si čajadadde, ja čađarettim læk ječaidæsek ollo bafčasiguim.

11 Mutto don, Ibmel olmuš! batar dast erit; mutto barga vanhurskesvuođa bivddet, ibmelbal­lolašvuođa, osko, rakisvuođa, gierdavašvuođa, lojesvuođa;

12 soađa osko šiega soađe, barga aǥalaš ællem oǯudet, man varas don maida goččujuvvum læk, ja dakkam læk dam šiega duođaštus ollo olbmui guladedin.

13 Mon gočom du Ibmel audast, gutte buokaid ællen dakka, ja Kristus Jesus audast, gutte Pon­tiussi Pilatussi dam šiega duođaštusa duođašti,