14 ja sin rokkus boft din audast, go vaimostæsek si din rakisen adnek Ibmel hui stuorra armo ditti din vuosstai.
15 Mutto Ibmeli gittos su cælkkemættom addaldaǥast.
10. Kapittal.
1 Mutto mon Paulus ješ din ravvim Kristus lojesvuođa ja lađesvuođa boft, mon, gutte vuollegaš galle læm din lut ælededin, mutto, go din lut im læk, de duobmarvuođa din bagjel anam.
2 Mutto mon rokkadallam, amam, lut ælededinam, mon dam duobmarvuođa darbašet adnet dam dorvolašvuođain, main must miella læ jallo læt muttom olbmui vuosstai, guđek min oaǯe mield vagjolæmen lokkek.
3 Dastgo ælededin galle oaǯest, æp mi almaken oaǯe mield gilvvomen læk,
4 — dastgo min soatteværjok oaǯalaš æi læk, mutto Ibmel audast famolaǯak duššadet, mi vuosstai ječas bigja, —
5 arvvalusaid duššadedin, ja buok allagvuođa, mi Ibmel dieđo vuosstai ječas bajed, ja buok jurddagid gidda valdededin Kristus gullolašvuođa vuollai,
6 ja garvvasak læp buok æppegullolašvuođa rangaštet, go din gullolašvuottadek ollašubmai læ dakkujuvvum.
7 Gæččabættet di olgoldas hame bællai? jos guttege vaimostes oskald, atte Kristus olmuš son læ, de bigjus son fastain jurddagides vuollai,
