50 ja dollaomni sin suppijek; dobbe čierrom læ ja bani giččam.
51 Jesus sigjidi cælkka: jogo di arvedeidek daid buokrakkan? si celkkek sunji: arvedeimek galle hærra!
52 Mutto son sigjidi celki: de damditti juokke čaloappavaš, gutte alme valddegodde guvllui læ oapatuvvum, nuftgo goađe ised læ, gutte æloines, mi ođđa ja oames læ, auddan bufta.
53 Ja dappatuvui, go Jesus daid værdadusaides loaftam læi, de vulgi son dast erit.
54 Ja vanhemides ædnami bođi, ja oapati sin synagogasek sist, ja si sagga oadušegje, ja celkke: gost sunji daggar visesvuotta ja væǥa daǥok?
55 Alma son læ dam duogjar bardne? Alma su ædne namma Maria læ? ja su veljai namak Jakob ja Joses ja Simon ja Judas?
56 Alma buok su oabak min lut læk? Gost nabbo dalle sunji buok dat?
57 Ja si værranegje sust. Mutto Jesus sigjidi celki: prophet bagjelgeččujuvvum i læk, æreb go vanhemides ædnamest ja dalostes.
58 Ja i son dast ædnag væǥa daǥoid dakkam, æppeoskosek ditti.
14. Kapittal.
1 Dam aige de gulai Herodes, njæljadas rađđijægje, Jesus nama.
2 Ja balvvalegjidassis celki: dat Johannes gastašægje læ; jabmi dillest son bajas čuoǯǯaldattujuvvum læ, de damditti barggamen læk famok
