gutte almin læ, son muo velljam læ, ja muo oabbam ja muo ædnam.
13. Kapittal.
1 Damanaǥa bæive vulgi Jesus viesost erit, ja javre gaddai son mani čokkanet.
2 Ja ædnag olbmuk čoagganegje su lusa, atte skip sisa son loaidesti, ja čokkani; ja obba almug javre gaddest čuoǯoi.
3 Ja ollo son værdadusai boft sigjidi sarnoi, ja celki: gæč, gilvve olmai manai gilvvet.
4 Ja gilvededines, de soames gilvvagak luodai gurri gačče, ja loddek botte, ja borre daid.
5 Mutto soames gilvvagak gæđgas ædnami gačče, gost assas ædnam i læm; ja forg dak bajas šadde, dastgo assas ædnam i læm.
6 Mutto go bæivaš bagjani, de dak baldujuvujegje, ja go ruotas i læm, de dak golnne.
7 Mutto soames gilvvagak basstelis lanjai gasski gačče; ja basstelis lanjak maida bajas šadde, ja lappasutte daid.
8 Mutto soames gilvvagak šiega ædnami gačče, ja šaddoid šaddadegje; soabmasak gut loǥe gærdasaš, ja soabmasak golm loǥe gærdasaš.
9 Gæst bæljek læva maiguim gullat, son gullus!
10 Ja mattajægjek su lusa vulgge, ja celkke sunji: man ditti værdadusai boft sigjidi sarnok?
11 Mutto son vastedi, ja sigjidi celki: damditti go digjidi addujuvvum læ alme valddegodde čieǥosvuođaid arvedet; mutto sigjidi dat addujuvvum i læk.
