Page:Hærramek ja bæsstamek Jesus Kristus ođđa Testament.pdf/362

From Wikisource
Jump to navigation Jump to search
This page has been proofread.
354
19. Kap.
St. Johannes

dam sagjai, mi goččujuvvu: geđgiguim barddu­juvvum, mutto ebræalaš gilli: Gabbatha.

14 Mutto bæssači rakadusa bæivve læi, ja gu­đad boddo muddost, ja Judalaǯaidi son cælkka: gæč, din gonagas!

15 Mutto si čurvvu: javkkad! javkkad su! russinavli su! Pilatus sigjidi celki: galgamgo din gonagas russinavllit? bajemuš papak vastedegje: mist i læk gonagas, æreb go kæisar.

16 De addi son su sin gitti russinavllijuvvut. Mutto si valdde Jesus, ja dolvvu su erit.

17 Ja son ruosas gudi, ja dam baikkai olgus manai, mi goččujuvvu: oaivvegallobaikke, mi ebræalaš gilli Golgathan goččujuvvu;

18 gosa si russinavlijegje su, ja guoft ærra olbmuid oftanaǥa suin, oft guabbag bællai, mutto Jesus sodnu gasski.

19 Mutto Pilatus maida bagjelčallag čallam ja ruosa ala bigjam læi. Mutto čallujuvvum læi: Jesus Nasaræus, Judalaǯai gonagas.

20 Dam bagjelčal lokke ædnag Judalaǯak; dastgo Jesus russinavllijume baikke lakka læi gavpug, ja čallujuvvum læi ebræalaš, grækalaš ja latinalaš gilli.

21 De celkke Judalaǯai bajemuš papak Pila­tussi: ale čale: Judalaǯai gonagas; mutto, atte son celki: mon læm Judalaǯai gonagas.

22 Pilatus vastedi: maid čallim, de čallim.

23 Dalle go soatteolbmak russinavllim legje Jesus, de si valdde su biftasid, — ja nællja oase dakke, oasse juokke soatteolbmai, — nuft maida