Page:Hærramek ja bæsstamek Jesus Kristus ođđa Testament.pdf/338

From Wikisource
Jump to navigation Jump to search
This page has been proofread.
330
12. Kap.
St. Johannes

25 Gutte hæggas rakisen adna, masse dam, ja gutte hæggas vaššest adna dam mailmest, aǥalaš ællemi dam varjal.

26 Jos guttege muo balvvalet aiggo, de čuvvus son muo; ja gost mon læm, de dast maida muo balvvalægje galgga læt; ja jos guttege muo balvval, su ačče gudniettemen læ.

27 Dal muo siello suorgganam læ, ja maid cælkam mon? ačačam, bæste muo dam boddost! mutto dam ditti boattam læm dam boddo varas.

28 Ačačam! daǥa du nabmad hærvasen! De jedn bođi almest: læm sikke dam hærvasen dak­kam, ja vela mon dam hærvasen daǥam.

29 De celkke olbmuk, guđek čuǯǯu, ja gulle, atte diermes čærggom læi; ærrasak celkke: engel sunji sarnoi.

30 Jesus vastedi, ja celki: dat jedn bođi, i muo ditti, mutto din ditti.

31 Dal adnujuvvu duobmo dam mailme bagjel; dal šadda dam mailme oaivamuš olgus suppijuvvut.

32 Ja mon, go ædnam ald aleduvum læm, de buokaid lusam mon doalvom.

33 — Mutto dam celki son arvedattam ditti, maggar jabmemi son jabmemen læi. —

34 Olbmuk sunji vastedegje: laǥast mi læp gullam Kristus aǥalaǯǯat ælla, ja moft cælkak don, atte olbmu bardne aleduvvumen læ? gi læ dat olbmu bardne?

35 De celki Jesus sigjidi: ain čuovgas læ oanekas gask din lut. Vagjolækket dam boddo go čuovgas dist læ, amadek di sævdnjaduvvut;