28 De si šiggogotte su, ja celkke: don læk su mattajægje; mutto mi læp Moses mattajægjek.
29 Mi diettep Ibmel sardnom læ Mosesin; mutto dam æp mi dieđe, gost son boatta.
30 Dat olmuš vastedi, ja sigjidi celki: daggo dat galle vavas læ, atte æppet di dieđe, gost son boatta, ja son ravasti muo čalmid.
31 Mutto mi diettep Ibmel i gula suddolaǯaid; mutto jos guttege ibmelballolaš læ, ja dakka su dato, su son gulla.
32 Mailme algo rajast i læk gullujuvvum, atte guttege ravastam læ su čalmid, gutte čalmetæbmen rieǥadam læi.
33 Jos dat Ibmel lut i læm boattam, de i son maidegen mattam dakkat.
34 Si vastedegje, ja sunji celkke: don suddost rieǥadam olmuš, ja don bagadak min? ja si hoiggalegje su olgus.
35 Jesus gulai, si legje su olgus hoiggalam; ja go gavnai su, de celki son sunji: oskokgo Ibmel barne ala?
36 Son vastedi, ja celki: gi son læ, hærra! atte su ala oskom.
37 Mutto Jesus sunji celki: don læk sikke oaidnam su, ja dat, gutte duin sardno, son de læ.
38 Mutto son celki: oskom, hærra! ja son rokkadallai su.
39 Ja Jesus celki: mon boattam læm dam mailbmai duomo ditti; vai si, guđek æi oaine, oaidnen šaddek, ja si, guđek oidnek, čuovgatæbmen šaddek.
