8. Kapittal.
1 Mutto go vae ald njejai, de ollo olbmuk su čuovvomen legje.
2 Ja gæč, spittal olmuš bođi, su rokkadallai ja celki: hærračam! jos aigok, de galle du famost læ muo butestet.
3 Ja Jesus gieđas geigi, sunji guoskati, ja celki: aigom; šadda butesen! ja su spittaldavd dallan buttasmuvui.
4 Ja Jesus sunji celki: varot ječčad gæsagen dam cælkkemest; mutto vuolge, čajet ječčad pappi, ja adde addaldakkad, maid Moses goččom læ, sigjidi duođaštussan.
5 Mutto go Jesus Kapernaumi bođi, de oaivve olmai su lusa loaidesti, ja celki:
6 hærračam! muo balvvalægje goađest buoccemen læ dafte særgataǥast, ja saggarakkan gifsašuvvu.
7 Ja celki sunji Jesus: boađam ja buorredam su.
8 Ja vastedi oaivve olmai ja celki: Hærračam! im læk dokkalaš atte don muo roave vuollai čaŋak; mutto cælke dušše sane, de muo balvvalægje buorran.
9 Dastgo mongis olmuš læm essevaldde vuluš, mutto soatte olbmuid vuoldam anam; ja jos nubbai cælkam: vuolge! de vuolgga; ja jos nubbai: boađe! de boatta, ja balvvalægjasam: daǥa! de dakka.
10 Mutto go Jesus dam gulai de ovdušaddai, ja sigjidi celki, guđek su čuovvomen legje: duo-
