Page:Hærramek ja bæsstamek Jesus Kristus ođđa Testament.pdf/178

From Wikisource
Jump to navigation Jump to search
This page has been proofread.
170
1. Kap.
St. Lukas

11 Mutto hærra engel sunji almostuvui, ja suoivas altar olgiš gieđa bæld čuoǯoi.

12 Go Sakarias oini su, de suorggani son ja ballagođi.

13 Mutto engel sunji celki: ale bala Sakarias! dastgo du rokkus gullujuvvum læ, ja du akka Elisabeth barne dunji rieǥadatta, ja su nama Jo­hannes don goččot galgak.

14 Ja ilo ja avo don oaǯok sust, ja ædnagak illodæmen læk su rieǥadæme ditti.

15 Dastgo stuores son šadda hærra audast; ja vine i juǥa, ige garra jukkamuǯaid, ja ædnes hæggast jo bassevuoiŋain son devddujuvvu,

16 ja ædnagid Israel manain hærra Ibmelæsek bællai son jorggalæmen læ.

17 Ja Ibmel audast son auddan mannamen læ Elias vuoiŋast ja famost, vanhemi vaimoid manai­dæsek bællai jorggalet, ja æppegullolaǯaid van­hurskasi miela mield, hærrai burist rakaduvvum olbmuid doaimatet.

18 Ja Sakarias engeli celki: mast mon dam dovddat galgam? dastgo boares læm, ja muo akka vuoras olmuš læ.

19 Ja engel vastedi, ja sunji celki: Fabriel mon læm, gutte Ibmel audast čuoǯom, ja vuol­gatuvvum læm dunji sardnomen, ja illon dunji dam muittalet.

20 Ja gæč, gielatæbmen don šaddak, ja ik don oaǯo sardnot dam bæive ragjai, go dat dappatuvvu, go muo sanidi ik don jakkam, mak aiggasæsek ollašuvvumen læk.