| ᏑᏓᎵᏧᏈ | 600 |
| ᎦᎵᏉᎩᏧᏈ | 700 |
| ᏁᏉᏧᏈ | 800 |
| ᏐᏁᎳᏧᏈ | 900 |
§ 6. ᏦᎢᏉ ᏗᏎᏍᏗ ᏱᏓᎬᏗᎭ, ᎾᏍᎩ ᏦᎢ ᎢᏳᎾᏓᎴᎩ ᎾᏍᎩ ᎢᏯᏌᏉ, ᎢᏯᏍᎪᎯᏃ, ᎠᎴ ᎢᏯᏍᎪᎯᏧᏈ, ᎤᎾᎴᏗ ᎨᏒ ᏗᎴᏔᏅᎯ, ᏰᎵᏉ ᏗᎪᏪᎶᏗ ᏂᎦᎵᏍᏗᎭ ᎢᎦᎢᏉ ᎣᏚᎵᏍᎬᎢ, ᏌᏉ ᎢᏳᎴᏅᏛ, ᏌᏉᏃ ᎢᏯᎦᏴᎵ ᏩᏍᏗ.
ᎯᎠ ᎢᏧᏍᏗ. ᏦᎢᏧᏈ ᏑᏓᎳᏍᎪᎯ ᎯᏍᎩ ᏱᎪᏪᎳᏅ, ᏦᎢ ᎢᏯᏍᎪᎯᏧᏈ ᎨᏐᎢ, ᏑᏓᎵᏃ ᎢᏯᏍᎪᎯ, ᎯᏍᎩᏃ ᎢᏯᏌᏉᎯ; ᎯᎠᏃ ᏂᎬᏃ ᎪᏪᎸᎢ, 365.
ᏅᎩᏧᏈ ᎦᎵᏉᎩ ᎪᏪᎸᎢ, 4 ᎢᏯᏍᎪᎯᏧᏈ ᎨᏐᎢ, 0 (ᎧᏂᎩᏛᏃ) ᎨᏐ ᎢᏯᏍᎪᎯ ᎨᏒᎢ, 7Ꮓ ᎢᏯᏌᏉ ᎨᏐᎢ, ᎯᎠ ᏂᎬᏃᎢ 407.
ᎯᏍᎩᏧᏈ ᎪᏪᎸᎢ 5 ᎢᏯᏍᎪᎯᏧᏈ ᎨᏐᎢ, 0 (ᎧᏂᎩᏛᏃ) ᎨᏐ ᎢᏯᏍᎪᎯ, ᎠᎴ 0 (ᎧᏂᎩᏛ) ᎨᏐ ᎢᏯᏌᏉ ᎨᏒᎢ, ᎯᎠ ᏂᎬᏃᎢ 500.
§ 7. ᎠᏍᎪᎯ ᎢᏯᏍᎪᎯᏧᏈ ᏌᏉ ᎢᏯᎦᏴᎵ ᎪᏎᏗ, ᎠᎪᏪᎵᏍ ᎬᏃ 1 ᎪᏪᎶᏗ ᎨᏐ ᏅᎩᏁ ᎢᏴᏛ ᏅᏛᎴᏙᏗᏱ, ᎾᏉᏃ ᎢᏯᏍᎪᎯᏧᏈ, ᎠᎴ ᎢᏯᏍᎪᎯ, ᎠᎴ ᎢᏯᏌᏉ ᏗᎴᏙᏗ ᎨᏒ 0 (ᏃᏗ) ᏗᎪᏪᎶᏗ; ᎪᏪᎸ ᎯᎠ ᏂᎬᏃᎢ 1000.
| ᏔᎵ | ᎢᏯᎦᏴᎵ ᎪᏪᎸ ᎯᎠ ᏂᎬᏃᎢ, | 2000. |
| ᏦᎢ | ᎢᏯᎦᏴᎵ ᎯᎠ ᏂᎬᏃᎢ | 3000. |
| ᏅᎩ | ᎢᏯᎦᏴᎵ ᎯᎠ ᏂᎬᏃᎢ | 4000. |
§ 8. ᏗᏎᏍᏗ ᏓᎪᏪᎵᏍᎬ ᏐᏁᎳ ᏗᎦᏛᎩ ᏗᎪᏪᎶᏗ ᏗᎬᏙᏗ, ᎾᏍᎩ Digits ᎦᎾᏙᎥ, ᏌᏉᏃ ᏃᏗ ᎾᏍᎩ cipher, naught, ᎠᏃᏎᎰᎢ.
ᎾᏍᎩ ᎯᎠ ᏃᏗ ᎠᎴ cipher, naught, ᏯᏛᏅ, ᎥᏝ ᏧᎬᏩᎶᏗ ᏱᎩ, ᎾᏍᎩ ᏅᏩᎾᏓᎴ ᏗᏎᏍᏗ ᏗᎪᏪᎶᏗ ᎨᏒ ᏯᏜᏅᏓᏗᎠ ᎤᏜᏅᏛᏉ ᎪᏪᎶᏗ, ᎨᎨᎢ.
ᎢᎦᎢ ᏂᎦᎵᏍᏗᏍᎬ ᎪᎱᏍᏗ ᎤᏍᏗ ᏗᏎᏍᏗ ᎾᎿ ᎨᏒ ᏗᎴᏙᏗ ᎦᏙᎬ ᎠᏙᎴᎰᎯᏍᏙᏗ ᎨᏐᎢ, ᎾᏍᎩ 2 ᎢᎬᏱ ᎠᎴᏙᏗ ᏱᎦᏙᎦ ᎠᎦᏘᏏ ᎢᏗᏢ ᏅᏛᏱᎸᏍᏔᏅᎯ ᏧᏳᎪᏗᏉ ᏔᎵ ᎨᏐᎢ; ᏔᎵᏁᏃ ᏗᎴᏙᏗ ᏗᎨᏒ ᏱᎦᏙᎦ, ᎾᏉ.
2 ᎢᏯᏍᎪᎯ ᎨᎨᎢ, ᎾᏍᎩ 20; ᏦᎢᏁ ᏗᎴᏙᏗ ᏗᎨᏒ ᏱᎦᏙᎦ ᎾᏉ 2 ᎢᏯ ᏍᎪᎯᏧᏈ ᎨᏐᎢ, ᎾᏍᎩ 200; ᏅᎩᏁᏃ ᏗᎴᏙᏗ ᏗᎨᏒ ᏱᎦᏙᎦ, ᎾᏉ ᏔᎵ ᎢᏯᎦᏴᎵ ᎨᏐᎢ ᎾᏍᎩ 2000.
ᏗᏎᏍᏗ ᏧᎾᎬᏩᎶᏗ ᎨᏒ ᎧᏁᏉᎦ ᎠᏍᎪᎯ ᎢᏳᏩᎫᏗ, ᎠᎦᏘᏏ ᎢᏗᏢ ᏅᏛᏱᎸᏍᏓᏅᎯ ᎠᎦᏍᎦᏂ ᎢᏗᏢ ᎠᏱᎸᏛ.
ᏌᏉ ᏔᎵᏁ ᏗᎴᏙᏗ ᏗᎨᏒ ᏱᎦᏙᎦ ᎤᏠᏱ ᎢᎦᎢ ᏧᎬᏩᎶᏗ ᎨᏐᎢ ᎠᏍᎪᎯ ᎢᏯᏂᎢ ᎢᎬᏱ ᏗᎴᏙᏗ ᎨᏒ ᏗᏂᏙᎩ.
ᏌᏉ ᏦᎢᏁ ᏗᎴᏙᏗ ᏗᎨᏒ ᏱᎦᏙᎦ ᎤᏠᏱ ᎢᎦᎢ ᏧᎬᏩᎶᏗ ᎨᏐᎢ ᎠᏍᎪᎯ ᎢᏯᏂᎢ ᏔᎵᏁ ᏗᎴᏙᏗ ᎨᏒ ᏗᏂᏙᎩ.
ᏌᏉ ᏅᎩᏁ ᏗᎴᏙᏗ ᎨᏒ ᏱᎦᏙᎦ ᎤᏠᏱ ᎢᎦᎢ ᏧᎬᏩᎶᏗ ᎨᏐ ᎠᏍᎪᎯ ᎢᏯᏂᎢ ᏦᎢᏁ ᏗᎴᏙᏂ ᎨᏒ ᏗᏂᏙᎩ.
ᎾᏍᎩ ᎠᎴ ᏄᏍᏗ ᏂᎦᎥ ᏗᏎᏍᏗ, ᏌᏉ ᎯᎸᎯᏢ ᏱᎦᏙᎦ ᎢᏧᎳᎭᏉ ᎢᎦᎢ ᏧᎬᏩᎶᏗ ᎨᏐ ᎠᏍᎪᎯ ᎢᏯᏂᎢ ᎾᏍᎩ ᏔᎵᏁ ᎡᎳᏗᏢ ᏗᏂᏙᎩ ᎨᏒᎢ ᎾᏍᎩᏯ ᏥᏂᏕᎬᏅ ᎠᏂ ᏥᏕᎪᏪᎳ.
