Jump to content

Page:Daclat cayanacan (microform) (IA apu1030.0001.001.umich.edu).pdf/14

From Wikisource
This page has been validated.
9
DACLAT CAYANACAN

III

QNĜ PAMAGLINIS CATA WAN AT PAMIBALÉ-BALÉ

 Cabud miguising ca, manimung agaran,
magmulmul at saca maglinis cang ipan,
manyucle cang buac at layun mung cuanan
isulud ing quecang pagbale imalan.

 At caibat na niti daptan mu nang agad
ing sablang tungcul mu, dagdagan qng siasat,
at mamisan-misan mangucu nung sucat,
mandilung magcambil qng mata ra din lat.

 Babayi dapat neng siasatan ing bale,
igayac neng mayap. linisan neng lande,
at ding casangcapan, sabla-sablang bague'
dapat nong ibili qng mayap a arle.

 Tucnangang mayarle anti neng salamin
ning ugaling gawi gng panga-mahinhin;
ing magulung bale mamalita ya pin
qng asal mababa, ala dit mang santing.

 Ing sablang caiUngan salbaganan siasat,
yugse ing temaran, dagdagan ing sipag;
e ca paimburis ditic mu mang oras;
ing marapat ngenie e mu ipabucas.

 Sablang easangeapan eaibat mong guinamit,
nu carin me quinua, isubli mengsaglit;
at e mu pabustan masira't miwaglit;
ing puhunan caren pawas a e mu dit.