Page:Corrido sang cabuhi nga nadangat sang duha ca mag asaua nga si Reina D. Beatriz.pdf/39

— 37 —

panumduma anay cag hunahuna-a
ang imo mga panaad nga yari sa fianza.
  Ualay maca suay sang imo pag bulut-an
cay icao ang Hari nga may cagamhanan
apang dumduma anay ang imo panug-an
nğa yari sa fianza iño guin firmahan.
  Ualá ca bala manaad sa mahal nga médico
nga ang pangayo-on mia bisan con anano
imo tumanon ang tanan nia nga gusto
con maquita mo lamang ang asaua nimo.
  Dapat nga quilalahon sang imo camahalan
nga aco ang médico nga imo guin tug-anan
busa guina pangayó co nga patauaron mo nian
ang cay D. Federico nga mga casal-anan
  Ualá aco sing guina pangayo nga iban
diri sa imo mahal nga atubangan
uga patauaron mo ang may casal-anan
eng patimaua-on didto sa bilango-an.
  Pag patauaron mo ang nacasalá sa imo
nga dili na igpadayon nga pugutan sing ulo
sunda ang aton guino-ong Jesucristo
nga nag tubús sang sala sang tanan nga tauo.
  Nian guina pangayo co Haring halandon
nga si D. Federico imo nga palibrihon
cay guin pala co na ang sala nia sa acon
busa imo man caron nga pag patauaron.
  Amo cag mamolong ang Haring guino-o
sia ang nag sogo sa mga soldado
ngania cuha-a niño didto sa castillo
ang acon nga utud nġa si D. Federico.
  Cag si D. Federico sang pag abut nia
dayon nia lulud sa Hari cag Reina
ngania ¡oh! utud co aco ung patauara
sang pag tampalas co cag pag pasipala.