Page:Corrido sang cabuhi nga nadangat sang duha ca mag asaua nga si Reina D. Beatriz.pdf/38

— 36 —

Oh sacramagestad mahal nga monarca
  Haring Ladislao nian pag patauara
ining imo nalulutan eng cailo nga asana
nga imo guin silutan linucadan sing mata.
  Sa pag cabati sang Hari sang iya guin saysay
naculiaan sing guinhaua sa sia nahapay
tinabangan sang Reina cag iya sinaclay
ngania bana co ang buut mo mag husay.
  Con nasayuran co ang imo hunahuna
nga icamatay mo con aco ang maquita
sa mga pag pauli uala na aco mag tinguha
guin antus co na lamang ang dacung caglia.
  Sang maumpauan ang Haring monarca
nga nuhaulian ang iya nga guinlaua
dinayon nia cag hacson ang mahal nga Reina
ngania oh asaua co aco ang patauara.
  Naga pulong sia nga naga-agay ang luha
yadtong imo nadangat aco ang may sala
cay acon guin pate ang mga pag lubha
sadtong utud co nga labing bañaga.
  Con aco sa imo ang nay casal-anan
labi pa ang infante nga tampalasan
sang guin himo nia nga dili catarungan
busa nga dapat sia nga pag silutan.
  Nian iño nga tumanon ang pag buut co
nga cuba-on sia guilayon didto sa castillo
ilibud sia sa Reino cag pugutan sing ulo
agud dili pag sundon sang sino man nga tauo.
  Ang bangeay nia ibalang sa cabuquiran
nga iño ipalayo diri sa guin Harian
pabaya-an nga malub-oc ang iya calauasan
agud can-on sang pispis cag mga casapatan.
  Dayon cag sumabat ang mahal nga Reina
joh! Haring Ladislao mag pacahinay ca