Page:Corrido sang cabuhi nga nadangat sang duha ca mag asaua nga si Reina D. Beatriz.pdf/37

— 35 —

con mag mata na aco paga sagapon co nian
cag dal-on ang Reina sa imo atubangan.
  Dili cona pag asoyon ang con ano-ano pa
nga mga guin pulong didto sa consejo nila
ang cuarto sang Hari guin hatag sa iya
sang sia maca sulud sinerahan ang puerta.
  Ang mga consejeros cag Haring monarca
dacú ang ila cabulong cag mga catingala
ualá co maquilala ang pulong sang isa cag isa
cay dao angel sa langit nga nag cunsad sia.
  Didto na gani sila cag mag silinuay
sa bay-hon sang médico cag mga ca ngay
nga subung guid sang angel nga tunay
con sia ang mag pulong cag mag saysay..
  Acon nga asoyon ang mahal nga médico
sang didto na sia sa sulud sang cuarto
ang biste sa lauas guin ilisan nia sing bag-ó
yadlong sa pag ca Reina dala nga bestido.
  Sang matapus na siu nga muca ilis
nga nasangcapan sang mga diamantes
sa daoung calo-oy sang Virgen nga muguis
labing nag ayo-ayo ang Reina Beatriz.
  Nag gua cag pumahayag didto sa estrado
sa guina tipunan sang bilog nga consejo
dacú ang cahacugmat sang mga guino-o
sang mahal nga Hari cag tanan nga consejero.
  Ualá sing nag calihoc sang mga nasacpan
dili naca pulong sadto ngu catingalahan
ang mahal nga Hari sa cahuya nga tuman
dili maca tuloc sa Reinang ambungan.
  Sang uala sa ila sing isa nga nag hulag
amó cag pumalapit ang Reina nga maañag
didto sa atubangan sang Hari nga bansag
amó ini ang pulong nga iya guin pahayag.