Page:Corrido sang cabuhi nga nadangat sang duha ca mag asaua nga si Reina D. Beatriz.pdf/33

— 31 —

cag ila nga guin iping cay D. Federico
agud aga malugpayan ang iya paino-ino.
  Sang maca iping na cay D. Federico
ang larauan ni María cag ang Santo Cristo
yadtong Doctor nga iya guin amigo
dayon nia halin cag sia ang nalaguio,
  Amó cag mamolong ang Haring guino-o
joh! minamahal utud co nga D. Federico
imo na nga igconfesar ang mga salá mo
agud dili mapalamae ang calag inong cailo.
  Didto na mag confesar nga ualay dubaduha
iya nga guin suguid ang mga sala nia
ang pulong sang médico dili amo ina ngania
ang acon guina pangayo confesion pública.
  Sa labing mabascug imo nga hingadlan
agud macasayud macabati ang tanan
cay con isuguid mo ang imo casal-anan
paga ayohon co ang imo nga balati-an.
  Con imo isaysay nga dili pag licuan
ang tanan mo nga mga casalanan
guina panaad co sa imo nga atubauğan
nga paga ayohon co ang imo baluti-an.
  Didto na sang infante guin pahayag
ang guin buhat nia nga mga salá
cag hasta yadtong iya nga pag caluyag
cay Reina Beatriz nga ualay dagta.
  Nga butangbutangan pa nia
hasta nga nabulag ang iya nga mata
cag ang pag pasipala sang Duque Medina
nga guin pahatud didto sa isa ca villa.
  Cag hasta ang pag bunú nia sang caris
sang iya pag patay cay principe Arliz
ngu nabandanan ang Reina Beatriz
iya guin suguid guin asoy nga muguis.