Page:Corrido sang cabuhi nga nadangat sang duha ca mag asaua nga si Reina D. Beatriz.pdf/21

— 19 —

iya nga guin paquita ang dala nia nga libro
ugania sa buquid nga ini ualay Doctor cundi aco.

  Ang guina pangita mo diri nian uala na.
bisan imo pag sagapon cag usisa-on sing mas-a
sa pag catoto-o nga yadtong mata nia nga duha
nian nag ayo cag nauli subung sang sa una.

  Sa sining acon pulong tacus mag matuud ca
nga nauli subung sang una ang iya nga mata
yadtong naga sagud cag naga alila sa iya
dunganan nga babaye mahal nga Duquesa.

  Ang sabat sang infante con matuud ngania
nga masaysay mo toto-o nga maalam ca
ang iya guina puy-an con malapit bala
imo nga y-asoy cay paga suhulan ta.

  Ang sabat sang Doctor dili mona pag suhulan
bisan con malayó aton nga paga cadto-an
con sa bilin nacon icao ang mag tuman
nga dili ca mag confesar hasta con san-o nian

  Ining duha ca upud mo ihatud mo anay sila
dili ca mag dugay icao ang mag buelta
sa imo nga pag balic nian paga updan ta
agud dili ca maladluc cag mahabalisa.

  Iya na nga guin hatud ang duha ca criado
cag sia ang nag pulong sa Haring guino-o
ualá na ngania ang Reinang asaua mo
quina-on sang leon tigre cag mga oso.

  Cag dayon uia balic sa cabuquiran
didto sa lugar nga iya guin halinan
cag yadtong Doctor sang iya mahaquit-an
naglacat na sila nga uala mag lidan.

  Sa pangpang sang suba iya nga dinala
namulong sa infante diri calang ngania
cay diri iga balang nga ualay duhaduha
ang imo nga gusto matuman nga mas-a.