Page:Corrido sang cabuhi nga nadangat sang duha ca mag asaua nga si Reina D. Beatriz.pdf/20

— 18 —

  Dili ca na mag halin diri sa Reino naton
cay ang imo asaua acon nga pangitaon
cag con acon nga maquita sa buquid ó talon
diri sa imo atubangan aeon nga paga dal-on.

  Dayon cag lumacat ang infante Federico
iya nga guin upud yadtong duha ca criado
ang isá apá cag ang isa bungul nga tauo
nga dili guid inacabati con pag pulungan mo.

  Ang tuyo nia sa pag upud sang bungul cag apá
sadtong si D. Federico infante nga bañaga
cay lang mahal nga Reina con iya mahaquita
tumanon nia nga pilit ang iya guina banta.

  Uala sing pulus yadtong upad nia nga apá
cay dili man maca suguid sang iya nga maquita
subung man ang bungul dili man maca balita
cay dili sia maca bati con icao ang mag usisa.

  Dayon nia lacat uga ualay duladuha
yadtong cabuquiran iya nga pinunta
dacú ang pag tinguha nga maquita nia
ang cailong Reina nga binulag ang mata.

  Iya nga inalohog ang mga cabuquiran
masulud cag gumua sa mga talunan
amó cag maquita sia nga uala mag lidan
sadtong isá ca tayo nga manguin alaman

  Guilayon guin tauag ang iya nga ngalan
cay nga-a nag cari ca infante nga camahalan
bisan con aco dili nimo pag suguiran
ang imo tinutuyo acon nga nasayoran.

  Ši D. Federico guilayon nakatingala
sa paquiana sang tauo cag pulong sa iya
ang iya guin sabat sin-o ang ngalan mo bala
agud acon matalastas cag mahaquilala.

  Nag sabat guilayon ang naquita nia nga tauo
agud imo masayuran cag maquilala con sin-o