Page:Corrido sang cabuhi nga nadangat sang duha ca mag asaua nga si Reina D. Beatriz.pdf/19

— 17 —

nga uala malo-oy sa pag silot nga muguis
sa acon asaua nga guina pacatam-is.

  Yadtong Reina Beatriz nga acon asaua
mala sing casalanan guin silutan co sia
diin ayhan nga talunan paga sagapon ta
cay dao sa malunos ini nga guinhaua.

  Caron palamang aco maca panghunahuna
nga ang mismo utud co amo ang nag hisa
con acon pinamancot cag guin usisa
dili cunta nia nadangat ang dacú nĝa cagha.

  Dili cona pag isambit umiron ang iban
cay aco ang toto-o nga may casal-anan
aco ang tacus cag dapat nga silutan
sang acon guin himo nga dili catarungan.

  Maayo pa con acon nga paga lacton
nga sa cabuquiran sia ang sagapon
bisan con bangcay na cag maquita nacon
sa iya mga casaquit aco ang maga unong.

  Dacu ang casaquit sang Haring monarca
firme naga agay ang luha sa iya mata
iya nga guina tanag con mananĝis sia
ang Reina Beatriz nahiagugmaan nga asaua.

  Subung sang buang ang iya cahimtangan
mapunco eag tumindog sa iya nga higdaan
firme nia guina pulong cag guina hingadlan
yadtong si Beatriz asauang nalulutan.

  Yadio nga mga guiho nian naluquit an
ni D. Federico infante nga tampalasan
nag sulud sa cuarto cag iya guin panilagan
ang Haring Ladislao utud uğa nalulutan.

  Nag palapit sa Hari nga ualay dubaduha
joh! utud co ngauia nga-a naga calisud ca
anhon mo man yadtong malain nga asaua
nga amo ang maca pierde sang imo nga honra.