Page:Corrido sang cabuhi nga nadangat sang duha ca mag asaua nga si Reina D. Beatriz.pdf/15

— 13 —

nga guin pulong joh! Dios sa calangitan
ining sentenciada imo nga tabangan.

  Dacú ang cagamó su sulud sang Reino
dao dili mahamtang ang mga consejero
ang pulong nila ang sentencia nga yadto
dili igo cag dapat sa Reina nga coronado.

  Dacú tu nga cahuluy-an cug-isa ca deshonra
sa utud nia nga Ilari sa imperiong Francia.
con dili naton mapungan ini nga sentencia
pilit nga mahaumid nga tauan quitá.

  Quitá nga mga consejero tacús mag himulat
nga sa malal nga Hari nian mag pahayag
nga liuaton nia con dao mauĝin dapat
yadtong sentencia sa Reinang ma-añag.

  Nag duluguion na ang mga privado
umatubang sa Hari sa real concillo
oli sacramagestad ang pulong ni D. Estacio
'sentencia mo sa Reina aco ang naga apelo.

  Tungud nga lacas ang imo sentencia
nga dili igo cag dapat sa mahal nga Reina
may liuan, pa nga silot nga sarang icag pena
ibalang sa buquid cag luc-adan sing mata.

  Amo ini nga silot ang guin caisahan
yadtong cay Duque Estacio nga pag bulut-an
sang mahal nga Hari sila guin pasugtan
nga ibalang ang Reins didto sa cabuquiran.

  Sang adlao nga yadto guin but-an nila
nga ibalang sa buquid nga ualay duhaduha
uala mag dumili ang mahal nga Reina
iya nga guin antus ang pag luc-ad sang
mata.

  Ano ayhan nga calisud ang madangatan
sang isá ca babaye nga sa cabuquiran
dili pa maca quita naga camangcamang
cag naga alagay ang dugú sa iya calauasan.