Page:Corrido qñgn bie rang queralanan di Anselmo ilangi Elisa (microform) - qñg ciudad ning Ulma sacup ning reino alemania (IA aqj5795.0001.001.umich.edu).pdf/8

(5)

 ¿Maliari mo cayang é ra icalungcut
di ibpa't indu cu qñg cacung pangulut
at quening quetuan da ninu ing lumingue
lalu't malapit na ing bie ra matacmus?
 Ali o ibpa cu't indung pacamalan
anac yung Anselmo é na co gulutan
cabud yatad da man canitang cùtcutan
nining bie matbud á cacung ingatan.
 Iti é telotian nung é pamacamal
caring manĝatua cu ing macayambangan
pablasang qñg ilang sucat cung lingapan
lalu't macabalut queting casaquitan.
 Anga qng misinup sala nang macaslag
ning Ari ding astros á atiu qñg matas
iti at aliua pang amanu nang gagcas
qñg mesabing ilang carin cacalat.
 Lactauan que pa mu iti nang maquibas
qñg sang ning dusa bitasang magsalbat
yang saglauayan at buring ipasiag
ing casimpalad na qñg sindac mibabad.
 Qng ciudad á iti á Ulmang simbitlan.
ating caballero ing laguiu ua Bizmar
bugtung yang anac na binang pacamalan
dauayan yang suyu caring caralangnan.,
 Asal na majinjin at mayumung gungcas
qñg iyas nang puri biasa nemang mingat
babie qng legua'na ing ucul á mayap
Elisang laguiu na at queang pamansag