Page:Corrido qñgn bie rang queralanan di Anselmo ilangi Elisa (microform) - qñg ciudad ning Ulma sacup ning reino alemania (IA aqj5795.0001.001.umich.edu).pdf/68

(65)

 Ablas ning sulat mu queca yang aduangan
ba'rang é apansing cacu na cang lacuan
pusu nang Anselmo mesindac ne naman
tingap ne ing sulat at qñg jardin linual.
 Salu nang Anselmo anti neng iniua
qñg é pamiduangan mapilan cataya
caras na qñg cubu bale na ning lugma
ing tingap nang sulat quea yang binasa.
 Ing sablang dusa mu canacu nang iquit,
ampon pangabilian sulat mu pigsulit
inia é maliaring piblasan cang pilit.
á salangsangan cu ing santong matulid.
 Qng bucas ping bucas bitasang tune na
acu at ibpa cu muli que qng Ulma
at qñg caduang aldo ing pangatupad na
ning pangacasal cu iti alang sala.
 Inia magbili ca qug catajimican
manginlag qñg silu ning capanganiban
qng ba'mung é camtan ining querarasan
ning sauil cung palad alang caligayan.
 Pagamu-amu cung caeu cang calinguan
nung uari't mate ca nanu casing daptan
sayang na, sayang na maratna mung asal
cayap mung misicap iyas á ingatan.
 Paintun qñg aliua ligaya mu't tula
ing pamalsinta mu't pamagpacumbaba
babay qñg yatu daca la ping bina.
mangayap la cacu at iguit ang damla.

9