This page has been validated.
(3)
Sablang casaquitan merapat qng pastor
paua nang inamiam pablasa qng tungcul
qñg malsintang ibpa at indung mengandung
á migaganaca ban é mipalulung.
Bista't macanian man ali na asacuil
lasa't casaquitan pibabata'na rin
inia qng pastulan ngening datang ya pin
alang nanu-nanu biglang mipatiguil.
Ing mapibabata á pusung matapang
qng dusa at saquit lubus mipamisan
paua ngang mabangis lajing calumbayan.
lalang na't pasari daya nang pigmulan.
Qng misan á aldo dagli nong linabas
animal nang sese qng metung á planas
nanan detanğa'ne mabagsic á sindac
cabas na mamulang ninu mang timalad.
Bigbuga'ne queta ning mitmung paglunus
ning pali na't caplas pasari ning bunduc
qñg tagulele na ampon pami-unus,
quetang catimauan ngana ping menasbuc.
O mayubung Dios ninung tau caya.
meguing á capara linto qñg masala
nanu ing apalad deuacan cu calma
qng bie cung lipit batis na ning lua.
Aldo meguing utang caniting caqueuan
ining panga tau queti aguisinġan'
magpastul animal yang amulatan
pañugtung qñg bie inanang ingatan.
paua nang inamiam pablasa qng tungcul
qñg malsintang ibpa at indung mengandung
á migaganaca ban é mipalulung.
Bista't macanian man ali na asacuil
lasa't casaquitan pibabata'na rin
inia qng pastulan ngening datang ya pin
alang nanu-nanu biglang mipatiguil.
Ing mapibabata á pusung matapang
qng dusa at saquit lubus mipamisan
paua ngang mabangis lajing calumbayan.
lalang na't pasari daya nang pigmulan.
Qng misan á aldo dagli nong linabas
animal nang sese qng metung á planas
nanan detanğa'ne mabagsic á sindac
cabas na mamulang ninu mang timalad.
Bigbuga'ne queta ning mitmung paglunus
ning pali na't caplas pasari ning bunduc
qñg tagulele na ampon pami-unus,
quetang catimauan ngana ping menasbuc.
O mayubung Dios ninung tau caya.
meguing á capara linto qñg masala
nanu ing apalad deuacan cu calma
qng bie cung lipit batis na ning lua.
Aldo meguing utang caniting caqueuan
ining panga tau queti aguisinġan'
magpastul animal yang amulatan
pañugtung qñg bie inanang ingatan.
