Page:Corrido qñgn bie rang queralanan di Anselmo ilangi Elisa (microform) - qñg ciudad ning Ulma sacup ning reino alemania (IA aqj5795.0001.001.umich.edu).pdf/55

(52)

 Bacal misadia ya a caministilan
angang dinatang ya qñg mesabing ilang
licua'ne ing bale quetang peniualan
qng metung nang capun at cacaluguran.
 Sinabi nang sangcan queang pamibalic
ing tingap nang bilin tupara nang pilit
ning ibpa nang mete cacu na pigsulit
canitang bie na queti babo sulip.
 Memu'ne pin queta saca pepauaga
icayu nang bala queti mamajala
linacad ne queta tinuru qñg nasa
ing metung nang ipus abe neng mausta
 Quetang panlacad na queang apigunam
ing bulan á Mayo carin ya daratang
canita ning Quinta tiquis paglimbangan
sinta nang Elisang queang pacamalan.
 Migsundu yang agad at mignasang layun
iting mebalisang magdalang pagmalun
ing yabe nang ipus cari'ne inantun
qng villang malapit carin la minurung.
 Nanan cung pacaban iniang miralpac ya
qug pasbul ning bale carin aquit na ya
niti bang Elisa quitna'na ne queta
¿ing quecang panginuan atiu quean? ngana
 Ngana mo ning ipus atiu pin pu quean
qng horas á iti ing quequeng pañatang
niti nang Anselmo queang daramdaman
pinta'ne ing cubung queang amulatan.