Page:Corrido qñgn bie rang queralanan di Anselmo ilangi Elisa (microform) - qñg ciudad ning Ulma sacup ning reino alemania (IA aqj5795.0001.001.umich.edu).pdf/46

(43)

 Iniang miralpac ne qñg Reyno Escosia
lubus qng ala nang macaquilala quea
menintun yang dalan qñg ba'ping aquit na
ing dugal ning pusu sucat canono na.
 Qng asbuc ding malda queang atalastas
mepaui nang gulu ding talapajamac
miliaring sumaria detang sablang sucab
é pa pin meluat queang pangalūtas.
 Atul á mibili caretang migsuquib
é ya macayabe ing ibpa nang lauit
qug gulu micatsa detang misnang buangis
busabus ning dauac at maling pamisip.
 Ing metung á bague pang queang abalitan
Ari payaus ne lub ning cayarian
dangalan at bandi pati na pabuisan
cang ibpa nang guinu isubli nang miuman.
 Menibat na queta cari'ne minarap
pablasang utus na ning Monarcang matas
nganang menalese bugtung na cung anac
ning Condeng mete na á culang á palad.
 Ing sablang papeles ba'cong maniuala
qng acung anac na ning Condeng simbitla
queca pung aduangan ba‘mu pung austa
ing laguiu't bansag na tutulu ing lua.
 Ing cacu bilî'na canacu mibalic
bandi't cayatinan ning ibpa cung lauit
at ing carangalan sadiang magagamit
iyas na't pamuti qng catauan bitbit.