This page has been validated.
(27)
Mitalan lang gamat pilapat matalic
ding aduang deti nan guinapus ning saquit
pusu ra sisigue lua mamalisbis
micauani na lang parejung tatanĝis.
Ing buri rang igcas é ra na asabi
mepipi la dila uli na ning lumbe
ing miayaliuang buri rang paintindi
ding mata ila nang lubus miglalaue.
Nanu pa't meari pamipamun da pin
é uli na niti ing minie pagbitquil
nun é ing maraual carela miriquil
ing metung at metung ing palad na sauil.
Cabang lalacad la carelang sisiguc
ing dacal á daing qñg palad dang mipuc
ninu mang macaquit taung macatalus
pilit yang tumangis at magdalang luaus.
Ing batu man yata yang miriquilan
queting bague a iti sucat manamdam
malunu yang pilit queting calumbayan
marajil matuno queang cararasan.
O pamicauaning minlunga qñg bagsic
pusung micametung nu mu la ipaid
é mu tutulutan qng ba'lang tajimic
nun é qñg cutcutan payapang pamiquit.
Timbangan saguli lasa rang é ditac
aduang mipalsinta micandayu't sucat
maquilalang agad alang liuag-liuag
pung nu anti naman ing luang papatao.
ding aduang deti nan guinapus ning saquit
pusu ra sisigue lua mamalisbis
micauani na lang parejung tatanĝis.
Ing buri rang igcas é ra na asabi
mepipi la dila uli na ning lumbe
ing miayaliuang buri rang paintindi
ding mata ila nang lubus miglalaue.
Nanu pa't meari pamipamun da pin
é uli na niti ing minie pagbitquil
nun é ing maraual carela miriquil
ing metung at metung ing palad na sauil.
Cabang lalacad la carelang sisiguc
ing dacal á daing qñg palad dang mipuc
ninu mang macaquit taung macatalus
pilit yang tumangis at magdalang luaus.
Ing batu man yata yang miriquilan
queting bague a iti sucat manamdam
malunu yang pilit queting calumbayan
marajil matuno queang cararasan.
O pamicauaning minlunga qñg bagsic
pusung micametung nu mu la ipaid
é mu tutulutan qng ba'lang tajimic
nun é qñg cutcutan payapang pamiquit.
Timbangan saguli lasa rang é ditac
aduang mipalsinta micandayu't sucat
maquilalang agad alang liuag-liuag
pung nu anti naman ing luang papatao.
