Page:Corrido qñg bie nang queralanan ning metung a miglayag a milagulung simbad.pdf/33

( 30 )

III. Pamaglacbe.

 Misasaguli mu milabas á camtan

ing tutung masampat pamibie nuan

caniti ali na meganaca dit man

itang casaquitan minunang miralan.

 Canitang cadua cung maglacbe magtanĝas

calagulaguana ning canacting edad

daya qñg catauan qñg pali na't lablab

qng ba'yung panganib aguiaga'nang yatag

 Iti nan ing bayu caring capalaran

menibatan Bagdad canacu nang pintan

labuad ning Balsora magdalang calacal

cambe ra ding malda canitang sacayan.

 Qñg minumang aldo ala pang millari

cauita ning Barco quequeng miabe-abe

nitang pamanlayag á nung nu que ume

magdalang calacal maulagang tune.

 Qñg misan á aldo quequeng pamamaltang

malaut nang tutu carayat malatan

masican á angin bigla na queng disan

melili na cami alang balung puntan.

 Mapilan á aldo tana que piñalung

nitang malim puyut masican á alun

at camamaulian miligtas queng layun

pauli ning mala biñe ning panaun.