Page:Corrido qñg bie nang queralanan ning metung a miglayag a milagulung simbad.pdf/20

( 17 )

II. Pamaglacbe.

 Iniang telaga na qng lub cu inucul

qng balayan Bagdad nasang maindatun

lalabas cung bie carin ipapayul

qng pamag-osioso ampon pamilimbun.

 E meliuag iti canacu nang seuan

sinumpung qñg lub cu at pepasibayuan

itang pamanlayag carayat-malatan

inia depatan cu ing bague iti nan.

 Dacal á calacal dela cu qñg cadua

cambo ring aliuang maglacung talaga

itang pamanlayag pigmulan mi queta

miayaliuang pulu ding delanan mi pa.

 Nung nu carin itang penaquitan mayap

misan namang aldo iti quequeng depat

ting metung á pulu sinaca queng agad

siesac yang tauaman maçayubu bicas.

 Mabunga lang tutu ampon cayayamnan

aguia mang malinis qng bale ala man

tanda é mayaquit sucat dang dilpacan

ning ninu mang tau quetang cailangan.

 Linub que canitang gabun á malinis

tutung macayama é abut pagsulit

ding aliuang abe maglimbang lang tiquis

lius pang managtal sampagang é mu dit