Page:Corrido qñg bie nang queralanan ning Principe Don Juan ila ning Princesa Doña Maria.pdf/80

( 77 )

 Ding cañones qñg muralla

canitang reyno Valencia

meguisan lang silsulan da

bilang pamasalamat da.

 Ing fiesta siam ‘á aldo

ting comedia at torneo

ing saya é mu magcanu

quetang Valenciang reyno.

 Dacalá mibaguebague.

qñg pialung dang pepalague

anting parangal dang binie

qñg Princesa at Principe.

 Queni cari'ne ituenang

corridong cacung selese

nung ating iguit na't culang

cuturan yu ne't pangatmuan.

 Ing timtiman á dalaga

macamal man o ali ya

nung atin yang capalsinta

mapus ya sa qñg Princesa.

 Pibata na ngan ping lat

ing sablang quimta'nang sindac

pauang mialilan mepiblas

qñg tulang alang palicat.

Quetang daing nang dalise

at pamagnasang matibe

qñg Dios at Virgen á nuan

puri na ali mimansan.