Page:Corrido qñg bie nang queralanan ning Principe Don Juan ila ning Princesa Doña Maria.pdf/74

(71)

 Mamu'na cu nung macanian

Princesang lusuc qñg dangal

Dios queca ya malacuan

at cacu mantabe neman.

 Inia ping micabucasan

quitang na ning Aring mal

qñg Principe y Don Juan

sabing carelang piraduang.

 Principe ing pequibat na

ala pung aliua ngana

bun é mu ing queque dimpa

delanan ming saquit lasa.

 Ning Ari ngana pin quea

Don Juan ngacu gayac ca

queang Domingo alang sala

marapat ing desposada.

 Pepabandu na qñg reyno

ning Aring y Don Mariano

matas ya't mababang tau

miras la ngan qñg Palacio.

 Ampon pepasadia neman

pialung á mibaguebague

qñg aldo nang parġacasal

qñg Pricipeng y Don Juan.

 Iniang milibut ing bandu

migmulala la ding tau

ing Princesa caya ninu

manucnangan qñg Palacio.