This page has been validated.
Meco cu pin at tinácas
qng cabunducan migtarges
queti rana cu man sebat
detang bandolerong sucab.
qng cabunducan migtarges
queti rana cu man sebat
detang bandolerong sucab.
Carin cu anam á bulan
tinucnang qng cabunducan
cacanan cu benġi't aldo
dusa't cadalamjatian.
tinucnang qng cabunducan
cacanan cu benġi't aldo
dusa't cadalamjatian.
Dacal at e pasalese
ing dusa at casaquitan
á canacung querarasan
qng depat mung casuquiben.
ing dusa at casaquitan
á canacung querarasan
qng depat mung casuquiben.
D. Juan nganing pequibat na
sucat na casi cu't sinta
ing mua mu bauian mu na
ban é macua ing inaua.
sucat na casi cu't sinta
ing mua mu bauian mu na
ban é macua ing inaua.
Ali na cu manalese
qng lasa cung queralanan
y bapa mu tiu quean
ya ing quecang cutnanan.
qng lasa cung queralanan
y bapa mu tiu quean
ya ing quecang cutnanan.
E cu na igcas ngan sabla
ing querarasan dang lugma
salita ban é cacaba
gong bie rang pigdalita.
ing querarasan dang lugma
salita ban é cacaba
gong bie rang pigdalita.
Nganang guingeas Doña Maria
Don Juan malaguang lual ca
tela mag á las doci na
y bapa cu mag-ronda ya.
Don Juan malaguang lual ca
tela mag á las doci na
y bapa cu mag-ronda ya.
