Page:Corrido qñg bie nang queralanan ning Principe Don Juan ila ning Princesa Doña Maria.pdf/7

( 4 )

 Nung uari't quecang layágan

atlung bulan é mu dásan

anti mu rin ing lacaran

panganib caring animal.

 Macanian man pu guinu cu

nung acung panusigan mu

quilub na ning atlung aldo

qng Asturias miras cao

 Ing pequibat nang Don Juan

nanu man ing quecang sabian

manusig cu capilitan

Asturias ba'cu mung dásan.

 Nung macanian fog sabi mu

nganang guingcas Cleofardo

ngeni igaua ra cao

metung á tablang cabayu.

 Quilub din queng aparato

at aliuang artificio

panga-ganap na't miustu

qñg anĝin ya pasulapo.

 Ding ibie mung cabayaran

libu la at limang dalan

ibie cu lang caupajan

caring taung papagobran.

 Bucas abac alang sala

queti nan ipabal mu la

atlung pintor á magpinta

qñg miaring cabayung tabla.