Page:Corrido qñg bie nang queralanan ning Principe Don Juan ila ning Princesa Doña Maria.pdf/67

( 64 )

 Ding adua micatupa la

nanan ya itang vivora

iniang ume dalumdum na

ding moro memulay la.

 Malaguang siniclaud ya

General á palamara

pati soldadong yabe na

morong campung nang Mahoma.

 Hinangu na nong Don Juan

ing Ari at ding macamal

detang carin qng suculan

decap ding morong sucaban.

 Ning Ari yang binlas na

qñg Principeng migvictoria

inalal neng General na

ning mabilug á Granada.

 E pa bina mang mebalam.

ing Guerra miras na naman

puri ra barang bauian

qñg pangasambut dang tune.

 Linual ne namang miuman

iting Principeng matapang

ligud ning Guinung miglalang

ing Victoria queang quimtan.

 Iti nan ya ing cadua

qñg queang pamag-victoria

dapot ing lub na balisa

tungcul qñg casi na't sinta.